Skolajidi Brizeux en Oriant o doa dastumet ouzhpenn 30 kilo lastez!
Ar « World clean up day », an devezh etrevroadel da netaat ar blanedenn a oa digwener paset, an 20 a viz Gwenholon.
Da zigarez an darvoud-mañ o deus skolajidi Brizeux en Oriant dastumet lastez, ambrouget get o c’helennour brezhoneg Serj Bozeg.
Dastumet ‘oa bet gete 30 kilo boutailhoù gwer, àr-dro 300 litrad traoù a bep seurt e plastik, ha 3 kilo dilhad. Ha kement-mañ en ur vout chomet just tro-dro d’ar skolaj !
Sikouret e oa bet ar gelennerion hag ar skolajidi get servij al lastez tolpad-kêrioù an Oriant evit gouiet penaos diforc’hañ a-feson.
Setu ar bemveidi Lucie, Adel, Dorian hag Alwena get Aodren Trehin. Mennet e oa holl anezhe àr an dachenn!
